Nisin punimet në renovimin e QKMF-së në Lipjan
Së fundi në Qendrën Kryesore të Mjekësisë Familjare në Lipjan dhe në objektin e shërbimit të urgjencës kanë filluar dhe janë duke vazhduar punimet në renovimin e objektit të kësaj qendre, ku përveç fasadimit të mureve dhe rregullimit të platos pritet të vendoset edhe sistemi i recepcionit i cili do të ndikojë në përmirësimin e orientimit të pacientit.
Gjithashtu pjesë e këtij projekti është edhe vendosja e dritave led, monitorëve për informim shëndetësor për pacientët si dhe pajisje tjera që rregullojnë ambientin brenda institucionit shëndetësor.
Kryetari i Komunës së Lipjanit Imri Ahmeti, ka potencuar edhe një herë përkushtimin e tij drejtë përmirësimit të kushteve për punë më të mirë të personelit mjekësor, por edhe ofrim sa më cilësor të shërbimeve shëndetësore për qytetarët e Komunës së Lipjanit. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.