Qytetarët ankohen për mungesë të investimeve në Veri të Mitrovicës

Mitrovica Ver.Postuar: 10:35 / 20.09.2018

Edhe pse në katër komunat veriore investohet nga tri buxhete të ndryshme, banorët e atjeshëm thonë se në realitet nuk shihet asgjë. Qytetarët ankohen se asnjë projekt kapital për qytetarët nuk është aktualisht, madje kritikojnë për keqmenaxhim dhe keqpërdorim të mjeteve. Por zyrtarë atje thonë të kundërtën, sipas tyre, ka investime.

Për komunat veriore ndahet buxhet nga Qeveria e Kosovës, Qeveria e Serbisë  dhe nga Fondi Zhvillimor për Veriun, si dhe nga disa organizata dhe BE-ja. Megjithëkëtë qytetarët veriut theksojnë se nuk ka investime. Ata thonë se paraja po shpërndahet padrejtësisht, dhe se po investohet në projekte pa interes të qytetarëve.

“Këtu nuk vërehet asgjë, asgjë nuk është investuar, vetëm vidhet dhe shpërlahet paraja,ndoshta edhe investohet por jo mjaftueshëm, ose kjo nuk po vërehet, ndoshta në periudhën e ardhshme do të investohet, sa do te shohim, nuk jam optimist.”  “Vetëm  premtime, asgjë konkrete.”

Zyra e BE-së në Kosovë bën të ditur se Fondi për Zhvillim të Veriut vetëm këtë verë ka ndarë mbi 2 milionë, ndërsa që nga themelimi janë rreth 14.8 milionë euro të mbledhura në këtë fond. Sidoqoftë, në veri investohet edhe nga buxheti i Kosovës. Udhëheqësja e administratës në komunën e Mitrovicës veriore, Adriana Hoxhiq, deklaroi për programin në gjuhën serbe të Radio Kosovës, se qeverisja lokale ka pas në dispozicion rreth 500 mije euro, për shërbime publike dhe projektet infrastrukturore.

“Përveç asfaltimit, është rregulluar edhe ujësjellësi dhe kanalizimi, ndriçimi publik, trotuari dhe vend parkingjet. Është investuar edhe në sferën e arsimit..Kemi investuar edhe në shëndetësi. Për ne është e rëndësishme të përkrahim shëndetësinë, sepse 70 % e popullatës që vizitojnë Qendrën Klinike Spitalore janë nga jugu”, sqaron Hoxhiq.

Projekte realizohen edhe nga buxheti i Qeverisë së Serbisë, madje investime të mëdha për komunat në veri paralajmëroi edhe presidenti i Serbisë, Aleksander Vuçiq. Ndërkaq analistët thonë se të gjitha investimet janë të mirëseardhura, pavarësisht nga vijnë. Analisti Lubomir Stanojkoviq vlerëson së më e rëndësishme në këtë drejtim është që ato menaxhohen si duhet.

“Ndoshta këto janë shuma të mëdha, por edhe kërkesat dhe nevojat e bashkësisë serbe janë të mëdha. Komunat me shumicë serbe në Kosovë janë pjesë e sistemit kosovar, prandaj ka buxhet edhe nga Qeveria e Kosovës. Por, personalisht mendoj se më shumë mjete vijnë nga jashtë siç janë vendet e BE-së, por gjithsesi çdo shumë është e mirëseardhur nëse përdoret për qëllime të duhura  dhe shkon në duar të vërteta.

Ndërsa politologu Behlul Beçaj vlerëson se investimet e mëdha vijnë nga Bashkimi Evropian, përderisa politikanët nga Kosova dhe Serbia premtojnë investime për interesa personale politike.

GllogocKomente: 0 Mbretëria e Bashkuar dhuron kompjuterë për dy shkolla të mesme në Drenas 11:11 / 16.04.2019 Dy shkollat e mesme të Komunës së Drenasit, përkatësisht Shkolla e Mesme Profesionale “Fehmi Lladrovci” dhe Gjimnazi “Gjergj Kastrioti Skënderbeu”, kanë pranuar kompjuterë për nxënës, donacion ky nga Mbretëria e Bashkuar përmes organizatës IPEDU.
PrizrenKomente: 0 QMF 1 në Prizren bëhet me Njësi Diabetike 14:47 / 15.04.2019 Në vazhdën e riorganizimit të njësive shëndetësore për të ofruar shërbime më kualitative, tanimë Qendra e Mjekësisë Familjare 1 ka Njësinë e saj Diabetike.
PrizrenKomente: 0 Prizreni shpërndan farë misri për fermerët 14:13 / 19.04.2019 Kryetari i Komunës së Prizrenit, Mytaher Haskuka sot së bashku me drejtorin e Drejtorisë për Bujqësi dhe Zhvillim Rural, Egzon Elshani bënë shpërndarjen e farës së misrit, për përfituesit e projektit “Furnizimi me farë misri”.