500 familje pejane në listë, gjysma e tyre pa ndihma në fundvit
Ky vit si edhe më parë po përfundon pa bashkëpunimin e Komunës së Pejës më Kryqin e Kuq për ndihma familjeve nevojtare.
Bashkëpunimi i ka munguar Kryqit të Kuq edhe me organizata të tjera humanitare, që ndihmojnë secila për vete familjet dhe individët me gjëra ushqimore apo me veshmbathje, shkruan sot “Koha Ditore”.
Në mungesë të këtij bashkëpunimi dhe të një organizimi mes vete, siç thonë në Kryqin e Kuq të Pejës, shumë familje skamnore kanë mbetur gjatë vitit dhe tashti në fund të tij pa u ndihmuar.
“Në listat tona të Kryqit të Kuq i kemi të evidentuara 500 familje të nevojshme për ndihmë. Mirëpo as gjysma e tyre nuk do të gëzojnë ndihma as tashti para fundvitit. Ky numër i familjeve nuk është i madh për Pejën, po të kishte një organizim dhe bashkëpunim mes nesh, Komunës dhe organizatave bamirëse, e që fatkeqësisht kjo nuk ekziston. E po të ekzistonte, kishim mund t’u bënim ballë për çdo muaj rasteve nevojtare me gjëra ushqimore, veshmbathje, batanija e të tjera”, thotë Agron Kelmendi, sekretar i Kryqit të Kuq në Pejë. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.