Prezantohet Fondacioni i Mileniumit të Kosovës në Pejë
Nënkryetari i Komunës së Pejës, Shkumbin Gashi ka pritur në takim pune Drejtorin Ekzekutiv të Fondacionit të Mileniumit të Kosovës, Petrit Selimi.
Në këtë takim është prezantuar Fondacioni i Mileniumit të Kosovës dhe përfitimet e mundshme nga mbështetja që ky program ofron në përmirësimin e efiçiences energjetike. Fondacioni i Mileniumit të Kosovës është entitet implementues i Programit Threshold në mes të Qeverisë së Republikës së Kosovës dhe Millennium Challenge Corporation, që është agjenci e pavarur e SHBA-ve për mbështetje në luftën kundër varfërisë globale.
Programi Threshold në Kosovë synon të trajtojë pengesat në zhvillimin ekonomik, ku furnizimi i sigurt me energji elektrike është identifikuar si një ndër pengesat kryesore.​ /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.