Shtyllat e vjetruara shkaktojnë probleme me rrymë në fshatrat e Rugovës
Disa fshatra të Rugovës (Dukaiva, Koshutani, Pepaj, Malaj, Rekë e Allagës), prej 6 muajsh kanë problem në furnizim me energji elektrike, shkaku i shtyllave elektrike të rrëzuara apo të dëmtuara.
Në fshatin Dukaivë, siç tregojnë banorët, nuk ka rrymë që nga muaji nëntor. Shumica e shtyllave elektrike edhe janë dëmtuar dhe rrëzuar, shkruan sot Koha Ditore.
“Në Dukaivë nuk kemi rrymë që nga nëntori i kaluar. Janë diku 20 shtylla që janë rrëzuar. Disa shtylla janë në linjën qendrore të tensionit të lartë e plotë të tjera nëpër fshat. E kam bërë kërkesën qe një muaj në KEDS, por nuk reagon kush prej tyre”, ankohet banori i këtij fshati, Veton Mujaj.
Kjo kërkesë sipas tij nuk është e para që janë duke e bërë banorët në KEDS. Mujaj tregon se ka pasur ankesa dhe kërkesa edhe në nivel të fshatit, por edhe kërkesa individuale për të intervenuar dhe të lëshohet rryma.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.