Asfaltohen disa rrugë në fshatrat Lladoc dhe Surkish të Podujevës
Kryetari i Komunës së Podujevës, Agim Veliu, ka vizituar fshatin Lladoc, ku ka përcjellë nga afër asfaltimin e rrugëve në këtë fshat.
Në kuadër të investimeve në infrastrukturën rrugore në Komunën e Podujevës, janë duke u realizuar projektet në asfaltimin e rrugëve në disa lagje të fshatrave Surkish dhe Lladoc.
Kryetari i Komunës së Podujevës, Agim Veliu, i shoqëruar nga Hamdi Jaha - drejtor i Planifikimit Urban dhe Mbrojtje të Mjedisit, kanë inspektuar punimet në asfaltimin e një rruge në fshatin Lladoc.
“Komuna e Podujevës po vazhdon me realizimin e projekteve që ndikojnë në përmirësimin e infrastrukturës rrugore nëpër fshatra. Në këtë mënyrë po krijojmë kushte për qarkullim më të lehtë të qytetarëve tanë”, tha Kryetari Veliu.
Krahas rrugëve në Lladoc dhe Surkish janë duke u asfaltuar rrugë edhe në lokalitete të tjera të Komunës së Podujevës. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.