Orllani turistik pa mirëmbajtje të përhershme përreth liqenit
Fshati turistik i Komunës së Podujevës, Orllani, që është ndër më të vizituarit, nuk ka mirëmbajtje të përhershme përreth liqenit të Batllavës. Mbeturina të shumta janë të shpërndara gjithandej.
Aty mungojnë edhe shportat e bërllokut. Zgjidhje nuk kanë bërë as aksionet e herëpashershme për të pastruar këto sipërfaqe.
Drejtori ekzekutiv i OJQ “Sundimi i Demokracisë në Kosovë”, Rexhep Zeka, i cili ka marrë pjesë në këto aksione, thotë se me aksione njëditore nuk mbahet pastërtia. Sipas tij, ato më shumë shërbejnë për sensibilizim të qytetarëve.
“Sipas disa supozimeve, Orllanin gjatë vitit e vizitojnë 150 mijë vizitorë, shkruan sot Koha Ditore.
Numri i madh i vizitorëve ka qenë dhe mbetet një shpresë për punësimin e të rinjve dhe një arterie e zhvillimit ekonomik të Orllanit me rrethinë dhe jo vetëm. Turizmi në ketë pjesë të vendit zhvillohet vetëm falë bukurisë natyrore që ka qëlluar të jetë në këto fshatra.
Problem kryesor ka qenë dhe mbetet përkujdesja institucionale për mirëmbajtjen e pastërtisë përreth liqenit”, ka thënë Rexhep Zeka, i cili është edhe banor i fshatit Orllan.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.