Busti i Skënderbeut dhe shtatorja e Adem Jasharit të papërfshira në buxhetin e Prizrenit

PrizrenPostuar: 11:31 / 13.03.2019

Organet komunale të Prizrenit në Planin e prokurimit për vitin 2019 kanë listuar projektin për ndërtimin e memorialit të Ekrem Rexhës – komandant Drinit, ndërkohë që projektet për ndërtimin e bustit të Skënderbeut dhe shtatores së Adem Jasharit nuk figurojnë në të.

Ismet Kryeziu nga Instituti Demokratik i Kosovës (KDI) ka theksuar se busti i Skënderbeut do të duhej të vendosej në Prizren shumë më herët, pasi që i begaton vlerat historike dhe kulturore të qytetit të vjetër, shkruan sot Koha Ditore.

“Edhe pse nuk jam shumë adhurues i busteve e shtatoreve, sepse mendoj që në periudhën e pasluftës, sheshet e qytetet janë stërngarkuar me to, pa ju parapri me debat të hapur për të përmbajtur vlera kulturore, historike e arkitekturale që duhet të prezantojë një bust, shtatore apo monument, megjithatë mendoj se busti i Gjergj Kastritotit- Skënderbeut në Prizren, si qyteti i dytë në Kosovë, do të duhej të ndodhte shumë më herët se në kohën kur po flasim. Busti i Skënderbeut në Prizren do të begatojë vlerat historike e kulturore të qytetit tonë”, ka thënë Kryeziu.

Për këtë arsye konsideron se organet komunale nuk duhet ta zvarrisin procesin e vendosjes së bustit të Skënderbeut në qytetin e Prizrenit.

IstogKomente: 0 Komuna e Istogut përfituese e grantit nga Ambasada e Bullgarisë në Kosovë 14:37 / 21.05.2019 Kryetari i komunës së Istogut, Haki Rugova, priti sot në takim zëvendësambasadorin e Bullgarisë në Kosovë, Kiril Yanchev, me të cilin nënshkruan marrëveshje bashkëpunimi për zbatimin e projektit "Pajisjet me infrastrukturë të brendshme për institucionin e edukimit...