Komuna e Prizrenit ndalon shitjen e shpezëve jashtë tregut të kafshëve
Komuna e Prizrenit ka ndaluar shitjen e shpezëve në hapësirat jashtë tregut të kafshëve të qytetit. Në një njoftim të Zyrës për Informim thuhet se këtë vendim e ka marrë Drejtoria e Inspektoratit pas ankesave të qytetarëve.
“Ju njoftojmë se nga data 18 prill 2018 do të ndalohet shitja e shpezëve jashtë tregut të kafshëve në Prizren”, thuhet në njoftimin e Komunës së Prizrenit. Aty theksohet se javën e kaluar janë njoftuar të gjithë shitësit mobilë për marrjen e këtij vendimi, shkruan sot “Koha Ditore”.
“Pas shumë ankesave nga qytetarët, Drejtoria e Inspektoratit mori vendim dhe nuk do të lejojë shitjen ambulantive nëpër hapësira e tregje të ndryshme, përpos tregut të kafshëve në Prizren. Qytetarët e interesuar për blerjen e shpezëve duhet të drejtohen për në tregun e kafshëve”, përfundon njoftimi.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.