Prizreni me 44 milionë euro buxhet për vitin 2018
Në seancën e kuvendit të komunës, anëtarët e partive te ndryshme dhanë propozimet, sugjerimet dhe rekomandimet, për projekt buxhetin e viteve 2018 -2020.
Uji i pijes ka dominuar në kërkesat e kuvendarëve, ndërsa vërejtjet kryesore u dhanë për kodet buxhetore të cilat nuk përcaktojnë saktësisht ndarjen e mjeteve.
Drejtori i Drejtorisë së Financave ,Ertan Simitçi, i njoftoi kuvendarët se buxheti i Prizrenit për vitin 2018 do të jetë mbi 44 milionë euro, nga të cilat mbi 36 milionë janë nga granti qeveritar ndërsa mbi 8 milionë parashihen të hyra vetjake.
Kryesuesi i Kuvendit Komunal Kujtim Gashi ka kërkuar nga drejtorët që me vëmendje t’i përcjellin shqetësimet e kuvendarëve.Projektbuxheti për vitet 2018-2020 pritet të votohet mbledhjen e radhës të enjten e ardhshme./InfoKomuna/