Rritet numri i realizimit të mamografive në Prizren
Drejtoria e Shëndetësisë në Komunën e Prizrenit njofton se ka realizuar projekte të ndryshme për zbulimin e kancerit të gjirit, i cili paraqet llojin më të përhapur të kësaj sëmundjeje te gratë, e po ashtu mund të paraqitet edhe te meshkujt.
Siç thuhet në njoftim, mamografia është mënyra kryesore e cila mund të përdoret në zbulimin e hershëm të kancerit të gjirit.
"Duke e ditur këtë, në krahasim me dy muajt e parë të vitit të kaluar, gjatë dy muajve të parë të këtij viti në njësinë radiologjike në Qendrën e Mjekësisë Familjare janë kryer 126 mamografi, duke rritur kështu numrin e mamografive të kryera për 260% në krahasim me dy muajt e parë të vitit të kaluar (35 mamografi të kryera)".
"Kurse edhe shërbimi i ofruar për kryerjen e Ultrazërit (Echo) të gjirit, i cili është një lloj tjetër i kontrollimit të gjirit, e padëmshme për pacientë, por me vlera të çmueshme për detektimin e kancerit te gjirit, është rritur për 80%.Gjatë dy muajve të parë të vitit të kaluar janë kryer 105 Echo, kurse në dy muajt e parë të këtij viti ky numër është rritur në 191", thuhet në njoftim.
Për më tepër theksohet se Drejtoria e Shëndetësisë do të vazhdojë me realizimin e projekteve të shumta, me qëllim që t’ia kthejë qytetarëve besimin ndaj institucioneve shëndetësore në nivelin komunal, ndërkaq njofton të gjithë qytetarët që shërbimi i radiologjisë që realizon Ultrazërin e Gjirit dhe Mamografinë punon edhe gjatë ditës së shtunë. /InfoKomuna/
Kuvendi Komunal i Kamenicës mbanë mbledhje të jashtëzakonshme 12:34 / 08.05.2024 Kuvendi Komunal i Kamenicës, ka mbajtur sot mbledhjen e jashtëzakonshme, të cilën e hapi Kryesuesi i Kuvendit Komunal, Liridon Kastrati, ndërsa të pranishëm ishin: Nënkryetari Faton Jakupi, disa nga asambleistët, media dhe OJQ.
Disa shkolla vitiase përfitojnë robotë në kuadër të projektit Kosova Makers League 12:15 / 08.05.2024 Nxënësit vitias të shkollave të ndryshëm fillore të mesme të ulët do të kenë mundësinë të eksperimentojnë dhe të mësohen me fushën e robotikës, pasi ata përfituan 16 mini robotë në kuadër të një projekti nga Kosova Makers League. 
Me rastin e Ditës së Evropës, shkallët e Arbërisë “vishen” me ngjyrat e flamurit të BE-së 11:09 / 09.05.2024 Kryetari i Komunës së Prishtinës, Perparim Rama, ka njoftuar se me rastin e Ditës së Evropës, shkallët e Arbërisë janë veshur me ngjyrat e flamurit të Bashkimit Evropian.
Sot, parkingjet e hapura në Kryeqytet pa pagesë 11:14 / 09.05.2024 Prishtina Parking, njofton të gjithë qytetarët, se sot me rastin e 9 Majit – Ditës së Evropës, të gjitha parkingjet e hapura në Kryeqytet do të jenë pa pagesë.