Produktet vendore përfaqësohen vetëm 10 % në rrjetet e shitjes me pakicë
Sasia e vogël e produkteve vendore në rrjetet e shitjes me pakicë, ka krijuar nevojën për krijimin e politikave favorizuese për produktet vendore, kanë thënë ekspertët e ekonomisë.
Përfaqësuesit e bizneseve kanë kërkuar që këta mekanizma të favorizimit të produkteve vendore, të jenë pjesë e Ligjit për tregtinë e brendshme, i cili është në fazën e hartimit, shkruan sot Koha Ditore.
Këshilltari për ekonomi në Odën Ekonomike të Kosovës, Berat Rukiqi, ka thënë se përmes këtij ligji, duhet t’u bëhet i mundur diskriminim pozitiv prodhimeve vendore. Një iniciativë e tillë e që nuk është përdorur nga institucionet, sipas tij, është edhe financimi i një pjese të marketingut të produkteve vendore.
Ajo që do të mundë të bëhej, sipas tij, është që Ministria e Tregtisë të financojë pozicionimin e këtyre produkteve në rrjetet e shitjeve me pakicë.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.