Nis pastrimi i kanalizimit atmosferik në rrugën “Xhelal Hajda” në Rahoveci
Problemet të cilat janë paraqitur në rrugën “Xhelal Hajda” në qytetin e Rahovecit me bllokimin e kanalizimit atmosferik, sa herë që ka pasur të reshura shi-borë më nuk do të ketë, pasi që përmes projektit ”Intervenime emergjente në infrastrukturë”, është duke u punuar në pastrimin e gypit në pjesët ku ka qenë i bllokuar.
Për pastrimin e kanalizimit atmosferik, Muhamet Behra, drejtor i Drejtorisë së Shërbimeve Publike shprehet se përmes projektit ”Intervenime emergjente në infrastrukturë”, janë duke vazhduar punimet në pastrimin e kanalizimit atmosferik në rrugën “Xhelal Hajda” në qytetin e Rahovecit nga pompa e derivateve “ LAB Oil” deri tek stacioni i autobusëve.
Me këtë mund të them se pas pastrimit të gjithë gypit do të evitohet, problemet të cilat kanë ardhur si pasoj e bllokimit të këtij gypi. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.