Diferenca e votave mes Fadil Nurës dhe Bekim Jasharit në Skenderaj

SkënderajPostuar: 16:48 / 19.10.2021

Në Komunën e Skenderajt ka mbetur edhe një vendvotim pa u numëruar, kurse sipas të dhënave të publikuar deri tani nga Komisioni Qendror i Zgjedhjeve, Partia Demokratik e Kosovës është duke fituar me 57,99% të votave.

Kurse, Bekim Jashari nga Lista e Pavarur është radhitur i dyti me 40,64% të votave, në vendin e trete është radhitur Sokol Haliti me 1,37% të votave, transmeton Telegrafi.

Kthyer në vota, Fadil Nura nga PDK ka marrë 12 mijë e 586 vota, kurse Bekim Jashari nga Lista e Pavarur ka marrë 8 mijë e 821. Diferenca mes Nurës dhe Jasharit është 3 mijë e 765 vota.

Ndryshe, Komisioni Qendror i Zgjedhjeve pritet që gjatë kësaj jave të përfundojë numërimin e të gjitha votave.

Zëdhënësi i KQZ-së, Valmir Elezi gjatë konferencës për medie tha se shpallja e votave pritet të bëhet pas numërimit edhe të votave me kusht, atyre të ardhura me postë dhe të votave të personave me nevoja të veçanta.

“KQZ-ja ka pranuar rreth 5 mijë e 700 pako të supozuara me fletëvotime. Ato janë duke u verifikuar. Pasi të përfundojnë këto procedura, atëherë do të fillojë numërimi i votave me kusht, votave të personave me nevoja të veçanta dhe atyre të ardhura me postë, që do të bëhet gjatë ditëve në vazhdim. Planifikojmë ta përmbyllim këtë proces gjatë kësaj jave”, tha Elezi para medieve.

Zgjedhjet lokale janë mbajtur më 17 tetor. /Telegrafi/

SuharekëKomente: 0 Betohet kryetari i Komunës së Suharekës 12:08 / 26.11.2021 Pas certifikimit të rezultateve përfundimtare të zgjedhjeve lokale për kryetar komune si dhe për kuvend komunal i hapet rruga procesit të konstituimit të institucioneve.
Komente: 0 Efekti i decentralizimit të shërbimeve, komunat menaxhuan mirë me Covid-19 15:09 / 23.11.2021 Drejtori Ekzekutiv i Institutit Kosovar për Qeverisje Lokale (KLGI), Valmir Gashi, ishte i ftuar si panelist në lansimin e analizës së pulsit publik mbi “Ndërveprimin në mes të qytetarëve dhe komunave në kohë krize: studim rasti Covid-19”, organizuar nga Programi i Kombeve të...