Kryetari Haliti priti në takim drejtoreshën e Korpusit të Paqes në Kosovë, Darlene Grant
Kryetari i Komunës së Vitisë, Sokol Haliti, ka pritur sot në takim drejtoreshën e Korpusit të Paqes në Kosovë, Darlene Grant. Gjatë takimit është biseduar mbi aktivitet e Korpusit të Paqes në Kosovë, përfshirë këtu edhe në Komunën e Vitisë, por edhe mbi mundësitë e vazhdimit të bashkëpunimit për të ardhmen.
Me këtë rast drejtoresha e Grant, ka falënderuar kryetarin Haliti dhe Komunën e Vitisë për mikpritjen që i është bërë nga kjo komunë vullnetarëve të Korpusit të Paqes.
Edhe Kryetari Haliti tha se Komuna e Vitisë u është mirënjohës vullnetarëve për punën e mirë që po e bëjnë në këtë komunë. Përndryshe Korpusi i Paqes është organizatë qeveritare e SHBA-ve e themeluar në vitin 1961 nga presidenti i atëhershëm i SHBA-ve, John Kennedy.
Korpusi i Paqes ka ardhur në Kosovë me ftesën e ish-presidentes së Kosovës, Atifete Jahjaga në shtator të vitit 2013. Sot janë 66 vullnetare të Korpusit të Paqes të cilët jetojnë në familjet nikoqire në pjesët rurale të Kosovës dhe punojnë në projektet e fushës së arsimit dhe zhvillimit të komuniteteve. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.