"HEC Dragobi" në operacion për shuarjen e zjarrit në kreshtat e Valbonës

Postuar: 10:57 / 19.10.2018

Zjarret e vendosura nga individë që kërkojnë të hapin kullota në mes të bukurive të Valbonës kanë vënë në rrezik kreshtat e këtyre anëve. Shpesh të ndodhura në vende të thella, ndërhyrja në kohë dhe me shpejtësi është jetësore.

Paraditen e të enjtes Agjencia e Zonave të Mbrojtura e Kukësit ka kërkuar ndihmë punonjësve të Gener 2, të cilët po ndërtojnë centralin hidroelektrik në Dragobi. Menjëherë, një grup pune u nis drejt vatrave të zjarrit duke i shuar ato, në ndihmë të banorëve dhe të ekipit të AKZM-së.

“Zhvillimi i verilindjes dhe mbrojtja e natyrës është prioritet i kompanisë, - thonë drejtues të saj - ndaj shuarja e të 5 vatrave të zjarrit pas thirrjes së AKZM-së, mobilizoi menjëherë stafin e kompanisë Gener2, duke izoluar zonën e dëmtuar dhe shuar zjarrin”.