Në pjesët e ulëta të Shqipërisë shi, në ato malore borë

Sipas Shërbimit Meteorologjik, në pjesën bregdetare priten reshje shiu të herëpashershme me intensitet të ulët dhe mesatar në formë shtrëngatash.

Në zonat kodrinore-malore priten reshje dëbore të herëpashershme dhe lokalisht të vazhdueshme me intensitet të ulët dhe mesatar. Po ashtu, do të ketë mjegull në orët e mëngjesit.

Ngrica të forta paralajmërohen në zonat malore dhe akset rrugore për shkak të temperaturave të ulëta në vlerat minimale.

Era do të fryjë me drejtim lindje-jugperëndim 1-10m/sek dhe deti do të ketë një valëzim të forcës 1 dhe 2 me lartësi vale deri 1.5 metër.