Tiranë: 90 mln euro për hekurudhën Tiranë-Durrës-Rinas

Postuar: 12:57 / 17.01.2018

Ministria e Transporteve ka vendosur të rikthejë stacionin e trenit në Tiranë, pasi zhvendosja e tij në Kashar ka ulur në mënyrë dramatike numrin e udhëtarëve. Projekti është pjesë e hekurudhës Durrës-Tiranë.

“Heqja e stacionit ka ulur me 60 për qind numrin e udhëtarëve. Kështu që nëse nuk e kthejmë nuk ka gjasa që hekurudha të funksionojë. Stacioni në Tiranë do të jetë vetëm për pasagjerë”, deklaron Thimio Plaku, Drejtor i Transportit, MTI.

Hekurudha Durrës-Tiranë dhe lidhja e re me Rinasin është një projekt me vlerë 90 milionë euro, që financohet nga BERZH-i, Fondi i Investimeve të Ballkanit Perëndimor dhe Qeveria shqiptare.

“Tenderi për hekurudhën Tiranë-Durrës-Rinas pritet të bëhet brenda marsit të këtij viti. Paralelisht me këtë do të vazhdojnë procedurat për ndërtimin e Stacionit të Trenit në Tiranë dhe lidhjen që mungon me stacionin multimodal të Kamzës”, vijon Plaku.

Sipas Qeverisë stacioni i trenit do të ndërtohet tek ish-stacioni i vjetër në krah të bulevardit të ri dhe ai do të kushtojë 1.2 milionë euro së bashku me lidhjen deri tek stacioni multimodal në Kamëz.

Komente: 0 Bashkia e Tiranës instalon sistemin e ndriçimit te liqeni i Farkës 11:55 / 21.02.2018 Liqeni i Farkës tashmë nuk është vetëm një destinacion për fundjavën, por edhe një ide e shkëlqyer për të kaluar mbrëmjet. Së fundmi, Bashkia e Tiranës ka vendosur të gjithë sistemin e ndriçimit përgjatë gjithë shëtitores së liqenit.
Komente: 0 Kryebashkiaku Veliaj: Linjë e gjelbër transporti publik Tiranë-Rinas 13:56 / 21.02.2018 Pas linjës së gjelbër, me autobusë elektrikë, e cila do të funksionojë shumë shpejt brenda qytetit, edhe linja Tiranë-Rinas, për në aeroportin “Nënë Tereza”, do të jetë tërësisht me autobusë elektrikë. Bashkia e Tiranës ka nisur bisedimet...