Veliaj: Mesazhi i Skënderbeut është bashkimi

Postuar: 13:30 / 04.09.2017

Debatit të mbulimit të statujës së Heroit Kombëtar Skënderbeu me ekrane të mëdha gjatë faljes në Festën e Bajramit i është shtuar dhe kreu i bashkisë Erion Veliaj.

Ai tha se mesazhi i Heroit është bashkimi dhe harmoninë fetare duhet ta kurojmë përditë.

“Mesazhi i Skënderbeut është të rrimë bashkë. Duke qenë bashkë, si sot, japim mesazhin e duhur. Të gjithë u ndjemë krenare kur para pak muajsh në Paris, krerët e besimeve të Shqipërisë parakaluan dhe u duartrokitën nga gjithë civilizimi perëndimor për atë harmoni. Harmonia fetare nuk është diçka që e marrim të mirëqenë, është diçka që duhet ta kurojmë përditë”, theksoi Veliaj.

Në 1-vjetorin e Shenjtërimit të Nënë Terezës, Veliaj nderoi me medaljen në emrin e saj fondacionin Alsar, që ndihmon fëmijët jetim dhe Komunitetin Papa Giovani XXIII që ka në fokus njerëzit në rrugë.

“Jam posaçërisht i lumtur sot që, ditën e shenjtërimit të Nënë Terezës, nderojmë me medaljen e saj dy vëllezër, dy bashkëpunëtorë, dy komunitete vullnetarësh, bamirësish dhe njerëzish që me skuadrat e tyre bëjnë punë fantastike. Janë dy organizata me bazë besimi, njëra me besimin mysliman dhe tjetra me besimin e krishterë, por secila prej organizatave ka gjetur një shteg për të zgjidhur një problem”, deklaroi Veliaj.

Kreu i Bashkisë deklaroi se dhënia e medaljeve për dy organizata me bazë dy besime të ndryshme, vjen në një moment kur më shumë se kurrë kemi nevojë të kujtojmë se ka më shumë gjëra që na bashkojnë se sa ato që na ndajnë.

Komente: 0 Rikualifikimi urban, 2.2 mln euro investime në Pukë 11:27 / 27.05.2018 Procesi i rikualifikimit urban ka prekur kësaj here qytetin e Pukës, që do të nisë nga rikonstruksioni i fasadave të pallateve, ndërtimin e një shëtitoreje rreth liqenit, kënd lojërash për fëmijë si dhe një amfiteatër, duke i dhënë këtij qyteti një...
Komente: 0 Vlora do të ndriçohet me burime alternative energjie 09:29 / 24.05.2018 Bashkia e Vlorës po përgatitet për shfrytëzimin e burimeve alternative për ndriçimin e mjediseve publike në qytet, për shkak të rritjes së ndjeshme të sasisë së energjisë elektrike që nevojitet për këtë qëllim.
Komente: 0 Tiranë-Durrës me hekurudhë moderne dhe tren të shpejtë 11:57 / 25.05.2018 Tregu i punës në vend ka kërkesa për profesionistë të arsimuar, veçanërisht për inxhinjerë të specializuar në sektorë të ndryshëm të ekonomisë, që pas viteve 90’ shënuan një mungesë të theksuar në burime njerëzore.