Ilazi priti në takim triumfueset e klubit të mundjes "Kaçaniku"

KaçanikPostuar: 10:36 / 29.08.2017

Kryetari i Komunës së Kaçanikut Besim Ilazi, priti në zyrën e tij, përfaqësueset triumfuese nga Klubi i Mundjes “Kaçaniku”.

Kryetari Ilazi përgëzoi sportistet e reja për suksesin e arritur, duke shtuar se ato janë ambasadoret më të mira të qytetit të Kaçanikut nëpër botë.

Kryetari Ilazi u premtoi mbështetje dhe angazhim edhe në të ardhmen, duke ngritur kështu suksesin e tyre në arenën ndërkombëtare. Në takim ishin prezent përfaqësuesit e klubit, Nënkryetari Sjellmir Dashi, Trajneri Ferat Ramadani si dhe anëtari i kryesisë Burim Krasniqi, të cilët njoftuan se Klubi i Mundjes “Kaçaniku” ka përfaqësuar Kosovën në turnirin Ndërkombëtarë në Bullgari ku nuk munguan edhe sukseset.

Në këtë turnir Diellza Gashi dhe Njomza Krasniqi morën vendet e para, Venera Asllani dhe Romesa Krasniqi morën vendet e dyta, ndërsa Elvira Krasniqi zuri vendin e tretë. Përfaqësuesit e KM “Kaçaniku” kërkuan më shumë përkrahje në zhvillimin e aktiviteteve.

Fitueset e turnirit ndërkombëtar i përshëndeti dhe uroi për suksesin e tyre edhe Drejtori për Arsim dhe Kulturë Enver Kamishi, i cili shtoi se është duke u punuar vazhdimisht në krijimin e kushteve sa më të mira për sportistët, fillimisht duke investuar në rregullimin e infrastrukturës sportive.
/InfoKomuna/

RahovecKomente: 0 FBK dënon Yllin me 500 euro për fyerjet raciste 16:04 / 23.01.2018 Federata e Basketbollit e Kosovës ka dënuar me 500 euro, klubin e Golden Eagle Yllit, për fyerjet racore që ndodhën në ndeshjen e xhiros së fundit ndërmjet ekipit nga Suhareka dhe Rahovecit.
Komente: 0 Certifikohen trajnerët e Taekwondos 16:38 / 22.01.2018 Kursi për trajnerë të Taekwondos, është aktiviteti i radhës i organizuar nga Komiteti Olimpik i Kosovës (KOK).