Rregullohen varrezat e martirëve në Fushë Kosovë

Fushë KosovëPostuar: 13:59 / 12.03.2024

Në prag të shënimit të njëzetepesë vjetorit të masakrës së Fushë Kosovës, këto ditë përfundoi renovimi i varrezave të martirëve.

Drejtoria e Shërbimeve Publike në këtë komunë, angazhoi punëtorët të cilët intervenuan në rregullimin e varrezave të cilat ishin të dëmtuara.

"Pjesë e këtyre punëve është edhe largimi i ujërave atmosferike nga këto varreza, projekt ky i përhershëm për të cilin pritet një zgjidhje e përhershme e këtij problemi. Punimet pritet të përfundojnë brenda këtyre ditëve përkatësisht para datës 26 mars." - thuhet në njoftimin e kësaj komune.