Mbahet takimi i finalizimit të Draft-Dokumentit të Hartës Zonale 2024-2032 në Komunën e Obiliqit
Drejtori i Drejtorisë së Planifikimit Urban, Pronë dhe Kadastër në Komunën e Obiliqit, Arben Berisha së bashku me Kompaninë Konsulente "INSI" dhe komisionin komunal kanë mbajtur takimin e përbashkët në Sallën e Kuvendit Komunal.
Temë e këtij takimi ishte finalizimi i Draft-Dokumentit të Hartës Zonale 2024-2032 në mënyrë që dokumenti të jetë gjithë përmbledhës, ky dokument do të dërgohet në Ministrinë e Mjedisit, Planifikimit Hapësinor dhe Infrastrukturës për marrjen e pëlqimit për diskutim publik të HZK-së.
Në këtë formë po kompletohet infrastruktura ligjore në aspektin e planifikimit hapësinor për Komunën e Obiliq.
Me këtë rast, Drejtori i Planifikimit Urban , Pronë dhe Kadastër z.Berisha, shpreh falënderim të veçantë për Kryetarin e Komunës së Obiliqit, Xhafer Gashi për përkrahjen e vazhdueshme gjatë tërë këtij procesi duke falënderuar tutje MMPHI-në, Komisionin Komunal dhe Kompaninë konsulente "INSI".
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.