Po vazhdon realizimi i projektit “Pjelloria e tokës dhe rekomandimi për plehra" në Komunën e Prizrenit

PrizrenPostuar: 18:17 / 04.03.2024

Kryetari i Komunës së Prizrenit, Shaqir Totaj, ka njoftuar se në përpjekje për ta rritur produktivitetin dhe qëndrueshmërinë bujqësore, Drejtoria e Bujqësisë, Pylltarisë dhe Zhvillimit Rural po vazhdon me realizimin e projektit “Pjelloria e tokës dhe rekomandimi për plehra", ku, ka nisur me fazën e marrjes së mostrave të tokës në fshatrat e Vërrinit dhe në zonën e Hasit.

“Projekti, i cili do të përfshijë marrjen e 2000 mostrave gjatë gjithë vitit 2024, ka nisur procesin e mbledhjes së të dhënave në fshatin Poslisht, me fokus në ruajtjen e shëndetit të tokës dhe synon t'u ofrojë fermerëve rekomandime konkrete për plehra, për rritjen e përqindjes së të korrave.” – tha ndër të tjera kryetari Totaj.