Mbështeten me makina mjelëse fermerët përfitues nga Komuna e Shtimes
Për t’i ndihmuar fermerët me sfidat me të cilat përballen, Komuna e Shtimes, edhe kësaj here u doli në ndihmë kësaj kategorie, ku fermerët të cilët ishin përfitues të dhive, përfituan edhe makina mjelëse.
Në bashkëpunim me Drejtorinë për Bujqësi dhe Zhvillim Rural në Komunën e Shtimes dhe Organizatën për Zhvillim Rural “Mëshqerra”, e cila merret me mbështetjen e blegtorëve, u dhanë makinat mjelëse për fermerët përfitues.
“Këto makina janë dhënë falas për fermerët dhe janë një teknologji e re, e cila lejon mjeljen e dhive në një mënyrë më efikase, higjienike dhe të shpejtë, dhe kjo ndikon në rritjen e produktivitetit, cilësisë dhe vlerës së produkteve të qumështit të dhive”, tha Gojart Bajrami, drejtor i Drejtorisë për Bujqësi dhe Zhvillim Rural, duke u bërë thirrje fermerëve të shfrytëzojnë këtë mundësi dhe t’i përdorin makinat mjelëse të dhive në mënyrë të duhur dhe të përgjegjshme.
Ndërsa, nënkryetari i Komunës së Shtimes, Faruk Beqa, tha se ky aktivitet tregoi se bashkëpunimi mes institucioneve, organizatave dhe fermerëve mund të sjellë rezultate të shkëlqyera për zhvillimin e blegtorisë.
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.
Nënshkruhet marrëveshja për zgjerimin e rrugës, urave dhe strukturave në segmentin Lëbushë - Qendra e Strellcit 18:12 / 29.04.2024 Sot, kryetari i komunës së Deçanit, Bashkim Ramosaj priti në takim Ministrin e Ministrisë së Mjedisit, Planifikimit Hapësinor dhe Infrastrukturës, Hysen Durmishi.
Kryetari Hamza priti në takim Ambasadorin e Francës në Kosovë, Olivier Guerot 10:32 / 02.05.2024 Kryetari i Komunës së Mitrovicës, Bedri Hamza, sot ka pritur në takim Ambasadorin francez në Kosovë, Olivier Guerot.