Kaçanik, vazhdojnë investimet komunale në rregullimin e infrastrukturës rrugore
KaçanikPostuar: 10:26 / 22.09.2017
Komuna e Kaçanikut edhe më tutje po vazhdon rregullimin e infrastrukturës rrugore.
Tashmë kanë filluar punimet në projektin “Rregullimi i përroit afër Shkollës Fillore Idriz Seferi në Bob”, transmeton InfoKomuna.
Realizimi i këtij projekti do të ketë një rëndësi të madhe sepse do të krijoj lidhje e qasje të reja të banorëve, ku do të lidh rrugën “Muhamet Zeneli” me rrugën “Vëllezërit Çaka” si dhe po ashtu edhe nxënësit do të kenë më të lehtë qasjen deri tek shkolla fillore.
Sipas menaxherit të projektit Ilir Koraqi, projekti do të kushtoj 25 mijë euro, kurse në fazën tjetër do të shtrohet edhe rruga që përshkon këtë pjesë, ndërsa është investim i tërësishëm i Komunës së Kaçanikut. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.