Kaçaniku diskuton krijimin e një mekanizmi kundër dhunës në familje
Krijimi i një mekanizmi kundër dhunës në familje, ishte temë diskutimi në takimin e organizuar sot ku ishin të përfshirë të gjitha institucionet të cilat veprojnë dhe merren me rastet e dhunës në familje.
Takimin e përshëndeti Nënkryetari i Komunës Ylber Bajra, i cili e vlerësoi këtë iniciativë, ku të gjitha aktivitetet e kryera nga institucionet përkatëse do të jenë të përfshira në një dokument.
Koordinatori i Njësisë për të drejtat e njeriut, njëherit edhe Zyrtar për barazi gjinore Vedat Dema, prezantoi draft dokumentin ku janë përfshirë të gjitha punët dhe përgjegjësitë e akterëve relevant në luftimin e dhunës në familje.
Të pranishmit në këtë takim, kërkuan që të punohet sa më shumë në vetëdijesim, për mbrojtjen e viktimave nga dhuna në familje. /InfoKomuna/