Ahmeti viziton kompaninë "Dino", premton lehtësira fiskale

LipjanPostuar: 16:52 / 12.09.2017

Kryetari i Komunës Imri Ahmeti, sotka vizituar kompaninë DINO, ku është pritur nga drejtori i kompanisë Abedin Salihu dhe stafi i tij, të cilët e informuan për afarizmin e kompanisë DINO.

Me këtë rast Abedin Salihu ka felenderuar kryetarin Ahmeti për angazhimin e tij në heqjen e taksave për biznese si dhe në krijimin e lehtësirave të tjera për të bërë biznes, duke e trajtuar biznesin si partner në zhvillimin e vendit, transmeton InfoKomuna.

Ndërsa kryetari Ahmeti ka përgëzuar kompaninë DINO për sukseset e shumta në afarizëm, duke thënë se kompania e cila ka mbi 420 punëtorë siç është kompania DINO meriton mbështetjen edhe më të madhe në krijimin e lehtësirave edhe më të mëdha në drejtim të zhvillimit dhe zgjerimit të mëtutjeshëm të biznesit në Komunën e Lipjanit.

“Ne do të vazhdojmë edhe më tutje që bizneset private t’i shohim promotor të zhvillimit të vendit tonë dhe krijimi i ambienteve të të bërit biznes është ndër prioritetet tona të veçanta në drejtim të gjenerimit të vendeve të reja të punës”, ka thënë i pari i Komunës së Lipjanit Imri Ahmeti. /InfoKomuna/

LipjanKomente: 0 Nisin punimet në renovimin e QKMF-së në Lipjan 16:23 / 14.05.2018 Së fundi në Qendrën Kryesore të Mjekësisë Familjare në Lipjan dhe në objektin e shërbimit të urgjencës kanë filluar dhe janë duke vazhduar punimet në renovimin e objektit të kësaj qendre, ku përveç fasadimit të mureve dhe rregullimit të platos...