Malishevë, fillon pastrimi i shtratit të përroskës në Damanek

MalishevëPostuar: 11:49 / 07.09.2017

Përroska shumë e gjerë, e cila shtrihet përgjatë fshatit Damanek të Malishevës, ka qenë pothuajse tërësisht e bllokuar për shkak të mbeturinave dhe bimëve të cilat janë rritur në të.

Kjo gjendje ju ka sjellë probleme banorëve të këtij fshati, për shkak kundërmimit dhe si pasojë edhe janë rrezikuar edhe nga ndonjë sëmundje. Por, tani ka filluar pastrimi i shtratit të kësaj përroske.

Punimet në pastrimin e shtratit të përroskës, i ka përcjellë nga afër sot edhe drejtori i Drejtorisë së Urbanizmit, Ahmet Morina, i cili është ndarë i kënaqur nga puna e cila po kryhet, pasi po largohen të gjitha mbeturinat dhe bimët nga shtrati, që ka penguar rrjedhën e ujit, e më këtë po largohet edhe kundërmimi.

Edhe kryetari i fshatit Damanek, Ismet Krasniqi, dhe banorët tjerë të fshatit, janë shprehur të kënaqur me punimet që po kryhen në pastrimin e përroskës, pasi sipas tyre, kanë qenë të rrezikuar për shkak të erës së keqe, por edhe për shkak të bllokimit të kësaj përroske.

Ata kanë falënderuar Komunën e Malishevës, për këtë intervenim në përroskë, e që për banorët është shumë me rëndësi.
/InfoKomuna/

PrishtinëKomente: 0 Ahmeti vs Abrashi 09:40 / 17.11.2017 Balotazhi për kryetarin e Prishtinës do të përballë kryetarin aktual, Shpend Ahmeti, i cili po e synon edhe një mandat dhe rivalin e tij nga LDK-ja, Arban Abrashi.
Komente: 0 Policia me plan operativ për zgjedhjet të dielën 13:33 / 17.11.2017 Policia është bërë gati për detyrat që e presin gjatë balotazhit. 19 nëntori, do të jetë dita ku qytetarët do të dalin të votojnë për ata që do të udhëheqin komunat e tyre në 4 vjetët e ardhshëm.