Inaugurohet renovimi i Shkollës se Mesme te Ulët në Baran të Pejës
Kryetari i Komunës se Pejës, Gazmend Muhaxheri i shoqëruar nga drejtori i Arsimit, Besim Avdimetaj së bashku me përfaqësuesin e Ambasadës Amerikane Kolonel, Stephen A.Rose –Atashe i Mbrojtjes për Kosovë dhe zv/ministri i Arsimit, Dukagjin Pupovci, kanë zbuluar pllakën qe simbolizon Inaugurimin e renovimit te Shkollës se Mesme te Ulet “Dëshmorët e Kombit” në Baran.
Rikonstruksioni i Shkollës se Mesme të Ulët “Dëshmorët e Kombit” në Baran u mundësua nëpërmjet partneritetit midis Shteteve të Bashkuara të Amerikës dhe popullit të Republikës së Kosovës, më mbështetjen e Komandës Evropiane të Shteteve të Bashkuara dhe Zyrës së Bashkëpunimit të Mbrojtjes pranë Ambasadës Amerikane në Republikën e Kosovës dhe Ministrisë së Arsimit.
Kryetari i Komunës dhe Drejtori i Shkollës i falënderuan donatoret për këtë investim shumë të nevojshëm për nxënësit e fshatrave te Lugut te Baranit. /InfoKomuna/