Prizren, vendoset "Druri i vetëdijesimit" për një mjedis të pastër
Në zonën më të frekuentuar të qytetit, në sheshin Shadërvan, sot është vendosur "Druri i vetëdijesimit", në kuadër të fushatës për mjedis të pastër #GiveGreenAChance, që po implementohet nga Zyra Informative dhe Kulturore e Bashkimit Evropian.
Në lansimin e tij ishin prezentë drejtori i Drejtorisë së Shërbimeve Publike, Levent Kasemi, Shefja e Kabinetit, Krenare Koqi dhe përfaqësuesit nga Zyra e BE-së, Annette Fath-Lihic dhe Agron Osmani.
Druri i vetëdijesimit është një formë instalacioni që ka për qëllim të shfaq ndotjen që po i shkaktohet ambientit. Ky dru, që do të qëndrojë në shesh për dhjetë ditë rresht, do të krijojë hapësirë për qytetarët që t'i vënë mbeturinat dhe qeset plastike përreth tij, si një formë "dekorimi", që më pas do të shpalosë ndotjen potenciale që i bëjmë ambientit. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.