Koordinohen për marshin e FSK-së më 10 maj në Rahovec
Kryetari i Komunës së Rahovecit, Smajl Latifi ka pritur në takim përfaqësuesit e Forcës së Sigurisë së Kosovës (FSK), Kapiten Bekim Çeku dhe Rreshter Major Irfan Berisha me të cilët ka biseduar për koordinimin e organizimit të Marshit të FSK-së, që do të mbahet me 10 maj, në kuadër të “Javës së heronjve dhe dëshmorëve në Komunën e Rahovecit”.
Kryetari Latifi ka thënë se "jam i nderuar që ju pres në takim që ka të bëjë me koordinimin në mes të Komunës dhe FSK-së, për organizimin e Marshit nga Forca e Sigurisë së Kosovës, që organizohet në kuadër të “ Javës së heronjve dhe dëshmorëve të Komunës së Rahovecit".
"Ne jemi të përgatitur, që t'ju ofrojmë ndihëm të cilën ju e kërkoni, që Marshi të organizohet sipas planeve që ju i keni përgatitur".
Ndërsa, përfaqësuesit e FSK-së, Kapiten Bekim Çeku dhe Rreshter Major Irfan Berisha e falënderuan Kryetarin Latifi, për përkrahjen e tij, duke thënë se është përgatitur plani për organizimin e Marshit të trupave të Forcës së Sigurisë së Kosovës (FSK), në Komunën e Rahovecit dhe presim që ky Marshim të shkoj ashtu siç është planifikuar.