Nis projekti i shumëpritur i ujit për banorët e Skënderajt
Më qëllim të përmirësimit të furnizimit me ujë të pijëshëm për qytetarët e Skenderajt, ka filluar realizimi i projektit të ndërtimit të stacioneve të pompimit në Shipol dhe në Brus, që do të përmirësojë furnizimin me ujë të pijëshëm për qytetarët e Skenderajt.
Në ceremoninë e fillimit të punimeve në këtë projekt ka marrë pjesë Nënkryetari i Komunës së Skenderajt Fadil Nura me bashkëpunëtorë, përfaqsues të Ministrisë së Mjedisit dhe Planifikimi Hapësinor, si dhe drejtuesit e komanisë së ujësjellësit regjional “Mitrovica”, Sami Miftari dhe Ilaz Halili.
Më këtë rast nënkryetari Nura ka deklaruar se projekti që po fillon sot do të përmirësojë shumë furnizimin me ujë të pijëshëm për të gjithë banorët e Skenderajt.
Ai ka thënë se investimet e Komunës së Skenderajt në rrjetin e ujësjellësit në fshatrat e Skenderajt dhe ky projekt që po fillon sot, janë jetike për qytetarët e Skenderajt.
Projekti i ndërtimit të stacioneve të pompimit në Shipol dhe Brus do të realizohet me financim të MMPH dhe Komunës së Skenderajt. Në fazën e dytë të këtij projekti do të bëhet edhe shtrirja e gypit kryesor furnizues që do të mundësojë furnizim të rregulltë me ujë të pijëshëm. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.