Komuna dhe “Help”, ndihmojnë 40 biznese të vogla të Suharekës
Projekti “Mbështetje stabilitetit socio-ekonomik në rajonin e Ballkanit Perëndimor 2017-2018”, ka filluar të zbatohet edhe në Komunën e Suharekës, ku sot kanë nënshkruar kontratat 40 persona dhe biznese të vogla nga kjo Komunë.
Kryetari i Komunës Bali Muharremaj, para përfituesve të këtij projekti ka thënë se Suhareka ka filluar të ndryshojë.
"Ky projekt është i përbashkët mes 'Help'-it dhe Komunës së Suharekës dhe ne marrim pjesë me 20%, por kisha pas dëshirë që mbi 100 kandidatë të kishin përfituar nga ky projekt, pasi ne si komunë jemi të gatshëm me nda edhe më shumë mjete. Qëllimi kryesor është me zbut papunësinë. Ne kemi projekte të përbashkëta edhe me ministri tjera të qeverisë dhe shpresojë se do t’ia dalim”, ka thënë kryetari Muharremaj.
Ndërkaq, koordinatorja e projektit, Shqipe Breznica, ka sqaruar më shumë rreth detajeve për përfituesit e Projektit. Ndryshe, për të përfituar nga ky projekt ka qenë interesimi i madh ku kanë konkurruar 148 aplikues dhe kanë përfituar 40 përfitues. /InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.