Komuna e Vitisë deri me tani ka larguar mbi 125 ton mbeturina
Kryetari i Komunës së Vitisë, Sokol Haliti vitin 2018 e kishte shpallur vit të mbrojtjes së Mjedisit. Sipas të dhënave të cilat i kemi siguruar nga Drejtoria për Urbanizëm, Planifikim dhe Mbrojtje të Mjesit deri me tani janë mbajtur mbi 88 aktivitete të pastrimit në të gjitha lokalitetet e komunës së Vitisë, njofton InfoKomuna.
Po ashtu sipas kësaj drejtorie deri me tani janë larguar 23 deponi ilegale të mbeturinave dhe gjithsej janë larguar mbi 125 ton mbeturina. Po ashtu Komuna e Vitisë, me qëllim të vetëdijesimit të qytetarëve, në veçanti të nxënësve ka mbajtur edhe ligjërata të shumta në shkolla mbi fushën e mbrojtjes së mjedisit.
Megjithatë tani Komuna e Vitisë, ka formuar edhe ekipën udhëheqëse komunale për ditët e ambientit 2018 dhe po bënë edhe përgatitjet për shënimin e aksionit të madh të ambientit që do të zhvillohet nga 15 Shtatorit deri 15 Dhjetor 2018.
/InfoKomuna/
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.