Nisin ditët e Hasan Prishtinës në Vushtrri
Në kuadër të 20-vjetorit të çlirimit të Kosovës, sot nën organizimin e Drejtorisë për Kulturë, Rini e Sport, në Vushtrri, kanë nisur aktivitetet kulturore.
Padyshim, njëri nga kontribuuesit më të mëdhenj në shpalljen e mvetësisë së Shqipërisë, ishte patrioti nga Vushtrria, figura e të cilit dita-ditës po vjen duke u shndërruar në emblemë të kulturës së qytetit tonë dhe jo vetëm.
Hasan Prishtina përveç kontributit në shtetformimin e Shqipërisë, u bë udhërrëfyes për brezat pas Tij, në ngritjen e vetëdijes, kulturës dhe nacionalizmit shqiptar.
Në nderim të figurës së këtij patrioti të madh, sot shpallëm hapjen e manifestimit “Ditët e Hasan Prishtinës”.
Aktivitetet që shënuan këtë ditë janë:
1. Ekspozitë me piktura, e piktores Afërdita Merovci.
2. Ekspozitë me fotografi e dokumente për personalitetin e Hasan Prishtinës. Këto ekspozita janë hapur në Kalanë e Qytetit dhe mbeten të hapura deri më 18 qershor 2019.
3. Turnir në Pingpong, në Bulevardin “Adem Jashari”.
Aktivite do të kemi edhe gjatë ditëve në vazhdim. /InfoKomuna/