Filloi mbajtja e dëgjimeve buxhetore në Komunën e Dragashit

Dëgjimi i parë u mbajt në fshatin Brodosanë, me banorët e fshatrave Brodosanë, Zaplluxhe, Blaç, Zgatar, Kuklibeg, Buzez, Kuk, Kosavë, Pllajnik, Kapre.

Takimin e hapi kryetari i Komunës së Dragashit, Bexhet Xheladini, i cili i përshëndeti të pranishmit dhe prezantoi projekt-buxhetin dhe Kornizën Afatmesme Buxhetore 2024-2026 të miratuar nga Asambleja Komunale. Më pas, drejtori për Ekonomi, Financa dhe Zhvillim, Qamil Kolloni, prezantoi listën projekteve kapitale të parapara për t'u realizuar gjatë vitit të ardhshëm.

Pas prezantimit të projekt-buxhetit, qytetarët patën rastin që të shprehin kërkesat, vërejtjet dhe propozimet e tyre.

Kryetari Xheladini i falënderoi të gjithë për interesimin e treguar për të marrë pjesë në hartimin e buxhetit për vitin 2024.

Në këtë dëgjim publik morën pjesë edhe asambleistë nga fshatrat përkatëse dhe pjesëtarë të tjerë të ekzekutivit lokal.

Për këtë dëgjim buxhetor do të publikohet procesverbali me të gjitha kërkesat e qytetarëve në uebfaqen zyrtare të Komunës së Dragashit.

https://kk.rks-gov.net/.../takimet-dhe-degjimet-publike.../