Inaugurohet Këndi i Kurajos në Komunën e Dragashit

Njoftimi i plotë i kryetarit Xheladini:

Në kuadër të aktiviteteve për nder të Ditës së Çlirimit të Dragashit, sot bëmë inaugurimin e Këndit të Kurajos për ekspozimin e produkteve të realizuara nga gratë e mbijetuara të luftës, të përfaqësuara nga Qendra për Promovimin e të Drejtave të Grave e Drenasit.

Ne sot ndihemi shumë mirë që Komuna e Dragashit është ndër komunat e cila ndanë hapësirë për hapjen e Këndit të Kurajos.

Hapja e këtij Këndi nuk shënon sot vetëm kujtimin për të kaluarën, për vuajtjet dhe sakrificat, por është gjithashtu një iniciativë dhe shkas që zëri i grave të mbijetuara të luftës  të përçohet institucionalisht, me qëllim  të mbështetjes dhe fuqizimit të këtyre grave, të cilat me vlerën  e tyre i dhanë peshë të rëndësishme hapësirës së komunës tonë.

Falënderoj drejtoreshën e QPDG-së, Kadire Tahiraj, për bashkëpunimin dhe kontributin e dhënë në këtë drejtim.