Përfundon greva e punonjësve të Kompanisë "Pastërtia"

Komuna e Ferizajt ka qenë, mbetet e do të vazhdojë të mbetet mbështetëse në ngritjen e kapaciteteve infrastrukturore operuese e rritjen e mirëqenies së punëtorëve të KRM "Pastërtia", e dëshmuar kjo edhe me investimet e bëra ndër vite në furnizimin me makineri operuese si dhe mbështetjen me punë kontraktuale për KRM "Pastërtia".

Që nga dita e parë e grevës, Komuna është deklaruar e gatshme për dialog me këshillin grevist në suaza ligjore, për të cilën kemi zhvilluar disa takime, gjithnjë në mbështetje e duke bashkëndjerë me punëtorët.

Ekipet e pastrimit aktualisht po lëvizin në terren, ashtu që të përmirësohet shkalla e grumbullimit të mbeturinave në qytet e fshatra.