Mbahet mbledhja e rregullt e Kuvendit të Komunës së Gjakovës

Sipas rendit të ditës, të propozuar nga kryesuesja e Kuvendit Arbënesha Kuqi, ky takim si zakonisht nisi me miratimin e rendit të ditës, procesverbalit nga mbledhja paraprake dhe pyetjet e anëtarëve të Kuvendit për ekzekutivin e komunës, pyetje këto që morën përgjigje nga kryetari i komunës Ardian Gjini dhe drejtorët komunal.

Më tej kuvendi shqyrtoj dhe miratoj propozimet për dhënie në shfrytëzim të pronës komunale, të cilat kanë të bëjnë me dyqane dhe tokë si dhe u formuan komisionet vlerësuese për dhënien e këtyre pronave.

Kuvendi gjithashtu e ka shqyrtuar edhe informatën e tretë financiare për periudhën janar – shtator 2023, e cila para tyre u prezantua nga drejtori i drejtorisë për Buxhet dhe Financa Durim Halilaj.

Kuvendi shqyrtoj edhe 7 informata/raporte tjera, konkretisht raportin e dëmeve të shkaktuara nga breshëri në sektorin e bujqësisë, informatën për implementimin e Planit për Menaxhimin e Mbeturinave si dhe implementimin e planit për investime në hapësirat e hapura publike.