Komuna e Gjilanit nënshkruan 2 memorandume bashkëfinancimi me Islamic Relief Kosova
Njoftimi i plotë i kryetarit Hyseni:
298,124.43 euro është vlera e 2 memorandumeve të bashkëfinancimit me Islamic Relief Kosova për përkrahjen e fermerëve me serra dhe mekanizëm bujqësor si dhe furnizimin me ujë të pijshëm
Me drejtorin e Islamic Relief Kosova, Mohamed Soliman kemi nënshkruar MoU “Rritja e potencialit për bujqësi në Kosovë” projekt në vlerë prej 253 mijë euro, ku do të jenë përfitues 202 fermerë gjilanas, 91 prej tyre me serra nga 100m2, 61 me mekanizëm bujqësor dhe 50 prej tyre përfitues të shpezëve.
Në 2021 buxhetin për bujqësinë e kemi gjetur të planifikuar 389,000.00 euro. Ndërkaq, në vitin 2022 kemi planifikuar buxhet prej 812,000.00 euro për vitin 2023. Me memorandumet e nënshkruara këtë vit në vlerë rreth 730,000.00 euro, buxheti total për bujqësinë është mbi 1.5 milionë euro.
Ky është buxheti më i madh për 1 vit që nga paslufta, për sektorin e bujqësisë.
Komuna e Gjilanit rrit mbështetjen financiare për sportin 11:31 / 28.04.2024 Kryetari i Komunës së Gjilanit, Alban Hyseni, ka vizituar disa nga klubet sportive të qytetit ku dhe ka biseduar lidhur me suksese, sfidat dhe nevojat.