Gjuha rome futet në përdorim zyrtar në Graçanicë

Në një njoftim të Komunës së Graçanicës që flet për mbajtjen e një debati me temën “Gjuha ime është ligji i komunitetit tim në komunën time”, është thënë se Ligji për përdorimin e gjuhëve në Kosovë është i mirë dhe në përputhje me standardet evropiane, por që çalon zbatimi i tij.

Futja e gjuhës rome në përdorim zyrtar në Komunën e Graçanicës është vlerësuar lartë nga sekretarja e parë në Ambasadën e Zvicrës në Kosovë, Saskia Salzmann.

“Gjuhët dhe të mësuarit e tyre, veçanërisht në Kosovë, janë të rëndësishme për komunikim. Ne jemi krenar që gjuha rome do të jetë pjesë integrale e Komunës së Graçanicës. Në të gjitha komunat tjera në Kosovë mund të kërkoni dhe të ndiqet shembulli i Graçanicës”, është shprehur ajo.

Ndërkohë edhe Slavisa Mladenoviq nga Zyra e Komisionarit për gjuhët në Qeverinë e Kosovës, ka thënë se shumëgjuhësia është një pasuri e Kosovës dhe gjuha rome zë një vend të veçantë./Kohanet