Përurohet Parku "ISA BERISHA" në Ditën e Çlirimit të Hanit të Elezit

Shkrimi i plotë i kryetarit Ballazhi:

Projekti i parkut të qytetit "Isa Berisha" është projekt i hartuar nga Komuna e Hanit të Elezit dhe bashkëfinancim mes Komunës dhe Ministrisë së Administrimit të Pushtetit Lokal, ku bëmë shpalosjen e pllakatës bashkë me zv.Ministrin e MAPL-së, Arbër Vokrri, babain e martirit Isa Berisha, Muhamet Berisha, si dhe kryetarin e Shoqërisë Kulturore Artistike "Dibra", anëtarët e së cilës i dhanë hijeshi ceremonisë së djeshme me veshjet e tyre krahinore.

Parku "Isa Berisha" dikur ishte një zonë ushtarake e ish-Armatës Jugosllave, ndërsa tashmë është një hapësirë rekreative dhe relaksimi për të gjitha grupmoshat dhe gjinitë, e për më tepër një vend familjar ku mund të kalohet kohë e bukur.

Ta ruajmë parkun tonë, le të jemi mirëmbajtës të devotshëm të këtij parku me rëndësi shpirtërore e historike në nder të martirit Isa Berisha.