Mbahet dëgjim publik me qytetarë për projekt buxhetin e Komunës së Istogut për vitet 2024-2026

Në këtë dëgjim publik Drejtori për Financa, Ekonomi dhe Zhvillim, Genc Ademaj prezantoi dhe sqaroi para pjesëmarrësve, se si do të projektohet buxheti për vitin 2024-2026 në Komunën e Istogut. Ai u tregua i gatshëm që të bashkëpunoj dhe implementojë kërkesat që i parashtruan të pranishmit në këtë dëgjim publik.

Qytetarët e pranishëm patën mundësi që ti shtojnë kërkesat e tyre, si dhe të marrin përgjigje lidhur me pyetjet që ata parashtruan , ku dhanë edhe vërejtjet dhe sugjerimet e tyre lidhur me projektet kapitale.