Përurohet fillimi i punimeve të 4 mijë e 100 metrave kanale të ujitjes në Junik

Kryetari i komunës së Junikut, Ruzhdi Shehu, dhe Ministri i Bujqësisë, Faton Peci, po tregojnë angazhimin e tyre të përbashkët për të përmirësuar infrastrukturën ujore në këtë komunë.

Në këtë faze pritet të ndërtohen rreth 4100 metra kanale të ujitjes në tërë territorin e Komunës së Junikut, projekt ky i iniciuar nga Komuna e Junikut, kryetari i komunës Ruzhdi Shehu dhe përkrahur nga ministria e bujqësisë.

Kanale të ujitjes të funksionalizuara dhe efikase kanë një rëndësi të veçantë për zhvillimin e bujqësisë. Uji është një burim jetik për kulturën e tokave bujqësore, duke siguruar mbjellje të suksesshme dhe kujdesin e duhur për kopshtet, arat dhe livadhet.

Këto investime do të përmirësojnë qasjen e fermerëve ndaj ujit, ndihmojnë në rritjen e prodhimit bujqësor dhe kontribuuan në krijimin e një ekonomie të qëndrueshme për komunën e Junikut. Kjo nismë ka potencialin për të përmirësuar kushtet e jetesës së banorëve lokalë dhe për të rritur kontributin e bujqësisë në zhvillimin e komunës.