Kryetari Rahimaj priti në takim zv.Ministrin e Mbrojtjes, Shemsi Syla

Temë e diskutimit në këtë takim ishte çështja e sigurisë në përgjithësi dhe menaxhimit të situatës në rast të fatkeqësive.

I pari i komunës, Kadri Rahimaj, ka falënderuar zv.Ministrin Syla për takimin, duke thënë se bashkëpunimi i komunës me nivelin qendror deri më tani ka qenë i shkëlqyeshëm.

“Falënderoj zv.Ministrin për vizitën. Ne jemi të hapur si komunë për të bashkëpunuar me nivelin qendror për caktimin e agjendave në raport me sigurinë. Po ashtu jemi të gatshëm të bashkëpunojmë për organizimin e trajnimeve dhe sesioneve për të rinj, në mënyrë që të jenë më të përgatitur në rast të ndonjë fatkeqësie”, është shprehur Kryetari Rahimaj.

Edhe nga ana e tij zv.Ministri Syla ka shprehur gatishmërinë për bashkëpunim për çështjet e sigurisë.