"Dita e shkopit të bardhë", shënohet edhe në Istog
Me rastin e ditës ndërkombëtare të Shkopit të Bardhë, Shoqata e të Verbërve në Istog ka organizuar një marshim për ta shënuar këtë ditë ku u priten nga Kryetari i Komunës Haki Rugova, drejtoresha e Administratës Edona Bujupi Loxha, drejtori i drejtorisë për Arsim, Kulturë,Rini dhe Sport Agim Haxhiu si dhe koordinatorja e zyrës për të Drejtat e Njeriut Sanije Mavraj.
Kryetari Haki Rugova duke i uruar për ditën ndërkombëtare të shkopit të bardhë ju premtoj përkrahje edhe në të ardhmen nga Komuna e Istogut. Ne gjithmonë ju kemi qëndruar pranë me mundësitë që i kemi, mirëpo ne ju premtojmë dhe ju sigurojmë se kjo përkrahje do të vazhdojë edhe në të ardhmen për ju brenda mundësive buxhetore qe ka komuna e Istogut, tha ndër të tjera kryetari Haki Rugova.
Ndërsa, kryetari i Shoqatës së Verbërve në Istog Esat Shabanaj ka falënderuar Kryetarin Rugova dhe stafin e tij për përkrahjen që po i jep komunitetit të tyre.
Bashkëpunimi ynë më Komunën e Istogut është shumë i mirë , dhe ju jeni ndër institucionet e vetme që na ka përkrahur e mbështetur në vazhdimësi dhe ne shpresojmë që ky bashkëpunim të vazhdoj edhe në të ardhmen,u shpreh Shabanaj./InfoKomuna/