10 mijë euro për sigurim fizik të 2 objekteve të Mamushës
Komuna e Mamushës planifikon që të angazhojë një kompani private për sigurimin fizik të objekteve të saj. Për këtë shërbim tashmë është shpallur njoftimi për kontratë në ueb faqen e Komision rregullativ për prokurimin publik.
“Në bazë të kësaj kontrate, do të bëhet sigurimi i rregullt i dy objekteve të Komunës së Mamushës”, shkruan në këtë njoftim, shkruan sot “Koha Ditore”. Ndërkaq, shpjegohet se kohëzgjatja e saj do të jetë 12 muaj nga data e dhënies së kontratës.
Në përshkrimin e shkurtër të lëndës së kontratës thuhet se për sigurimin fizik “në ofertë duhet të jepet çmimi për njësi për një orë për të gjitha shërbimet e rregullta për sigurim të objekteve të Komunës së Mamushës të specifikuara në dosje të tenderit si edhe për shërbimet e veçanta”.
Vlera e parashikuar e kontratës sipas këtij njoftimi është 9 mijë e 994 euro.
/InfoKomuna/