280 mijë euro për ndërtimin e aneksit të administratës komunale në Kaçanik
Kryetari i Komunës së Kaçanikut, Besim Ilazi, ka nënshkruar marrëveshjen me Ministrinë e Administrimit dhe Pushtetit Lokal (MAPL) për bashkëfinancimin e projektit “Ndërtimi i aneksit të objektit të Administratës Komunale” në Komunën e Kaçanikut.
MAPL nga buxheti i saj vjetor i vitit 2019, financon këtë projekt në shumën prej 280,000.00€, ndërsa edhe komuna do të ketë pjesën e saj të participimit.
Gjatë takimit me sekretaren e përgjithshme të MAPL-së, Rozafa Ukimeraj, diskutuan edhe punët dhe aktivitetet e tjera komunale.
Kryetari Ilazi falënderoi MAPL-në për financimin e këtij projekti, ndërsa shtoi se një objekt i tillë ka qenë i domosdoshëm për zhvillimin e aktiviteteve dhe punëve të nevojshme në administratën komunale. /InfoKomuna/
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.