Ahmeti takon Tahirin, flasin për definimin e pronës së shkollës në Sllovi

Me këtë rast Kryetari Imri Ahmeti i ka njoftuar edhe një herë Tahiri dhe Zejnullahu se Komuna e Lipjanit i ka bërë kërkesë Agjencisë së Pyjeve dhe Qeverisë që prona ku është e ndërtuar shkolla e fshatit në Sllovi të bartet nga Agjencia e Pyjeve në pronësi të komunës.

Pas takimit të gjithë së bashku kanë vizituar vendin e ngjarjes në fshatin Sllovi, ku edhe janë dakorduar për angazhim maksimal në zgjidhjen e kësaj problematike në mënyrë që ndërtimi i sallës së sporteve të filloj sa më shpejt që të jetë e mundur. /InfoKomuna/