Banorët e rrugës “Ali Hadri” duan parkingje në vend të shtyllave antiparkim
Një grup banorësh, që jetojnë në ndërtesa kolektive në rrugën “Ali Hadri”, kanë reaguar kundër vendosjes së shtyllave antiparking në rrugën ku jetojnë, duke kërkuar nga Komuna fillimisht sigurimin e parkingjeve për ta.
Ata thonë se Komuna e Prishtinës është dashur që së pari të rregullojë çështjen e parkingjeve, për të cilën ata i janë drejtuar Komunës edhe me peticion, e pastaj të vendosë shtylla antiparking në trotuare, shkruan sot Koha Ditore.
Sipas tyre, me vendosjen e shtyllave veturat do të parkohen para hyrjes së ndërtesave.
Dy muaj më parë këta banorë i kanë drejtuar një peticion Komunës së Prishtinës, për të kërkuar që t’u gjendet një zgjidhje për parkingjet përreth objekteve të tyre të banimit, me arsyetimin se kjo gjë po u shkakton telashe të shumta në jetën e përditshme.